जळगाव – रामानंद पोलीस स्टेशनच्या नव्या व अत्याधुनिक इमारतीचे लोकार्पण आज पालकमंत्री गुलाबराव पाटील यांच्या हस्ते संपन्न झाले. यावेळी जिल्हाधिकारी आयुष प्रसाद, जिल्हा पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी संदीप गावित, कार्यकारी अभियंता आर. डी. पाटील, उपअभियंता गिरीश सूर्यवंशी आदी मान्यवर उपस्थित होते.
गेल्या अनेक वर्षांपासून भाड्याच्या जागेत सुरू असलेल्या या पोलीस स्टेशनसाठी सुमारे ४ कोटी रुपयांचा खर्च करून केवळ १५ महिन्यांत 'कॉर्पोरेट लूक' असलेली स्वतंत्र इमारत उभारण्यात आली आहे.
कार्यक्रमात बोलताना पालकमंत्री पाटील म्हणाले, "पोलीस दलाच्या कार्यक्षमतेसाठी भौतिक सुविधा महत्त्वाच्या आहेत. बीट हवालदारांपासून वरिष्ठ अधिकाऱ्यांपर्यंत वाहनांचा पुरवठा करण्यात आला असून, त्यामुळे पोलीस यंत्रणा अधिक गतिमान होईल."
या वेळी २ कोटी १२ लाख रुपयांच्या खर्चाने खरेदी करण्यात आलेल्या २६ नवीन जीप्स आणि वरिष्ठ अधीक्षकांसाठी स्वतंत्र चारचाकी वाहनांचाही लोकार्पण सोहळा पार पडला. आजपासून हे सर्व वाहने जिल्ह्यात कार्यान्वित करण्यात आली आहेत.
Post a Comment
0 Comments